ҚИЗЛар ТАРБИЯСИГА БАРЧАМИЗ МАСЪУЛМИЗ
Булоқбоши туманидаги 6-умумтаълим мактабида туман хотин-қизлар қўмитаси, маънавият тарғибот маркази туман бўлими ҳамда мактабнинг хотин-қизлар қўмитаси бошланғич ташкилоти томонидан "қиз бола ҳаёси - гулдек нозик" мавзусида кеча ўтказилди.
Унга Булоқбоши қишлоқ фуқаролар йиғини ҳудудидаги маҳаллалар фаоллари, ўқувчи қизлар ва ота-оналар иштирок этдилар. Кечани мактабнинг бошланғич хотин-қизлар ташкилоти раиси Ж. Жўраева очиб, мактабда қизлар ўртасида тарбиявий ишларни яхшилаш бўйича олиб борилаётган ишлар хусусида тўхталиб ўтди. Психолог-ўқитувчи Назокатхон Шоабдуллаева эса қизларнинг иффати, ор-номуси ҳар нарсадан устунлиги ҳақида мулоҳазаларини билдирди.
Кеча сўнггида қизлар томонидан мавзу доирасида тайёрланган саҳна кўриниши намойиш этилди.
Р. ЖУМАНИЁЗОВА.
|