ШОДЛИКЛАРГА ТЎЛА КУН
Халқаро болаларни ҳимоя қилиш куни вилоятимизнинг барча шаҳар ва туманларида катта шодиёна билан нишонланди.
Андижон шаҳридаги Болалар боғи ота-оналар ва болалар билан гавжум бўлди. Шу куни болажонларга аттракционлар бепул хизмат кўрсатди. Ширинлик ва салқин ичимликлар тарқатилди.
А. Навоий номидаги маданият ва истироҳат боғида эса соғлиқни сақлаш бошқармаси, Андижон шаҳар ва туман тиббиёт бирлашмалари ҳамда чет эл фармацевтик компаниялари ва вилоятдаги хусусий тиббиёт муассасалари жамоалари томонидан 98 минг нафардан ортиқ аҳолининг, аксарият болажонларнинг саломатлигини кўрикдан ўтказдилар.
Ушбу байрам кичкинтойлар ёдида унутилмас лаҳзаларга айланди.
З. ҚОДИРОВА.
|