ҲАРБИЙЛАРГА ЯНГИ УЙ
Жалақудуқ туманининг Ёрқишлоқ қишлоғида ҳарбий хизматчилар учун барча қулайликларга эга янги уй барпо этилиб, тантанали равишда фойдаланишга топширилди.
Мазкур замонавий, кўркам ва сифатли уй-жойлар тумандаги "Омилкор қурилиш" масъулияти чекланган жамияти қурувчилари томонидан қурилди.
- Мен юртимизда ҳарбий хизматчилар ва уларнинг оилаларига кўрсатилаётган эътибордан беҳад мамнунман, - дейди ҳарбий хизматчининг турмуш ўртоғи Зулфия Бобожонова. - Янги уйли бўлдик, бу албатта, турмуш шароитимизни тубдан яхшилашга замин яратади.
Дарҳақиқат, фойдаланишга топширилган мазкур уй Ватанимиз сарҳадларини ҳимоя қилаётган ҳарбийларимиз ва уларнинг оилаларига чинакам совға бўлди.
У. МАМАРАСУЛОВ.
|