БОЛАЛАР БИЛАН ГАВЖУМ МАСКАН
Хўжаобод туманидаги "Баркамол авлод" болалар маркази 2011 йилдан буён ўз фаолиятини юритиб келмоқда. Жорий йилда ушбу марказ қўшимча ва янги жиҳозлар билан таъминланди. Унинг ишчи ходимлари ва ўқувчиларига ўзига хос белги, яъни кўкрак нишони ҳамда бир хил форма-кийимлар тақдим этилди. Ишчи-ходимларга инглиз тилини ўрганиш учун зарур шарт-шароитлар яратилди.
Марказдаги "Ёш ўлкашунос", "Бадиий ижодиёт", "Ёш эколог", "Техник ижодкорлик" тўгараклари доимо иқтидорли болалар билан гавжум. Тўгарак аъзолари ҳар йили ўткизиладиган республика миқиёсидаги "Болалар ва сув", "Ўзлигингдан айланай, ўлкам" деб номланган кўрик-танловларида қатнашиб, фахрли ўринларни эгаллаб келишмоқда.
Ш. КЕЛДИЕВ.
|