ЯНГИ КИТОБЛАР ТАҚДИМОТИ
Олтинкўл тумани маданият саройида истеъдодли шоира ва журналист Замира Рўзиеванинг "Умид боғи" ва "Дилчироқ" деб номланган янги китобларининг тақдимот маросими бўлиб ўтди.
Тадбирни туман ҳокими Акмалжон Жалолов очиб, шоира ижоди ҳақида самимий фикрлар билдирди.
Шундан сўнг Ўзбекистон халқ шоири Тўлан Низом, Республика Журналистлар ижодий уюшмаси вилоят бўлими раиси Назиржон Саидов, Ёзувчилар уюшмаси вилоят бўлими раиси Ҳуршидабону, филология фанлари доктори, профессор Салима Мирзаева, филология фанлари номзоди, доцент Халим Карим ва бошқалар шеърият ҳамда публицистикада бирдек қалам тебратаётган шоира Замира Рўзиеванинг китоблари ҳақида гапирдилар.
Шоира шеърлари билан айтиладиган қўшиқлар санъаткорлар томонидан ижро этилди.
Тадбирда вилоят ҳокимининг маънавий-маърифий ишлар бўйича ёрдамчиси А. Нурматов иштирок этди.
З. РАҲМОНОВА.
|