КИЙИНИШДА ЎЗЛИГИМИЗНИ УНУТМАЙЛИК

Улуғнор туманида диний вазият барқарорлигини таъминлаш, аёллар ва қизлар ўртасида диний ақидапарастликнинг олдини олиш, жамоат жойларида миллийлигимизга ёт бўлган либосларда юриш, бу каби салбий ҳолатларга йўл қўймаслик масалаларига бағишланган йиғилиш бўлиб ўтди.

Йиғилишда тумандаги МФЙ раислари ва маслаҳатчилари, ички ишлар бўлими ходимлари, имом-хатиблар, отинойилар, мактаб ва коллежлар психологлари, ўқитувчилар қатнашдилар. Тадбирда сўз олган туман маънавият тарғибот маркази раҳбари С. Алихўжаев, "Маҳалла" ҳайрия жамоат фонди туман бўлинмаси раиси И. Алматовлар жамоат жойларида диний либосларда юриш, миллий урф-одатларимизга, қадриятларимизга зид эканлигини, бу каби салбий ҳолатларга йўл қўймаслик учун тарғибот ишларини кучайтириш зарурлиги хусусида гапирдилар.

Якунда мазкур йўналишда туманда қилиниши лозим бўлган вазифалар белгилаб олинди.

С. САИДОВА.