ОБОДОНЛАШТИРИШГА АЛОІИДА ЭЪТИБОР

Марҳамат туманида ободонлаштириш ишларига катта эътибор қаратилмоқда. Жумладан, вилоятимизда ўтказилган ободонлаштириш ҳафталиги доирасидаги тозалов ишларида Марҳамат - Асака магистраль йўлда кенг кўламли ишлар олиб борилди.

Тумандаги корхона, ташкилот, муассаса қишлоқ ҳамда маҳалла фуқаролар йиғинларининг 850 нафардан зиёд вакиллар томонидан йўл бўйидаги 4300 метр квадрат ер майдонлари чиқиндилардан тозаланди.

Шунингдек, туман ободонлаштириш бўлими ходимлари томонидан дарахтларга шакл берилиб, йўл бўйларидаги бино ва хонадонлар, 2000 тупдан зиёд дарахтлар оқланди.

- Халқимизда тозалик бор жойда барака бўлади, деган ҳикмат бор, - дейди туман ҳокими Х. Султонов. - Шунга амал қилиб, гузар, кўча ва маҳаллаларимиз покиза ва озодалигига алоҳида эътибор қаратяпмиз.

Дарҳақиқат, ҳафталик доирасида меҳнат жамоаларида, таълим муассасаларида бу борадаги ишлар давом этмоқда.

М. ЮСУПОВ,

Товар хом ашё биржаси

Андижон филиали директори.