МАҲАЛЛАНИНГ ТАДБИРКОР АЁЛЛАРИ
Андижон шаҳридаги, "Гумбаз" маҳалла фуқаролар йиғинида тадбиркорлик билан шуғулланувчи аёллар кўпчиликни ташкил этади. Улар томонидан ишсиз аҳолини иш билан таъминлаш ва ишлаб чиқаришни йўлга қўйиш мақсадида муайян ишлар амалга оширилмоқда. Янги корхона ва тикув цехлари ташкил этилмоқда.
Тадбиркор Матлуба Мамадалиева ҳам тикув цехи ташкил қилиб, маҳалладаги 15 нафар қиз-аёлларни иш билан таъминлади. Ушбу тикув цехида асосан, эркаклар кийимлари тайёрланади.
Шунингдек, маҳаллада истиқомат қилувчи яна бир тадбиркор Одинахон Қосимова ҳам миллий либослар тайёрлашни йўлга қўйган. У маҳалладаги бир қанча ишсиз аёлларга, ёш қизларга дўппи, миллий чўпонлар ва аёллар либосларини тикиш сирларини ўргатиб келмоқда.
Ш. КЕЛДИЕВ.
|