БИЛИБ ҚЎЙГАН ЯХШИ
САЛОМАТЛИК ҲАҚИДА
* Баланд бўй кишини инфарктдан сақлар экан. Олимлар 2703 нафар беморни компьютер томографиясида текшириб, баланд бўйли инсонлар қон томирларида зарарли моддаларнинг 30 фоизга камлигини аниқладилар. Бу боғлиқлик хали охиригача ўрганилганича йўқ, лекин паст бўйли инсонлар кардиологлар эътиборида бўлишлари керак.
*Тадқиқотчиларнинг таъкидлашларича, бўса кишини турли хасталиклардан ҳимоялайди. Бўса олиш пайтида нафас олиш тезлашади. Бу бронхлар ва ўпка тозаланишига олиб келади. Шунингдек, бўса пайтида юрак уриши тезлашади, қон айланиши яхшиланади, натижада мия хужайралари озиқ моддалар билан тўйинади.
* Мева ва сабзавотларни доимий равишда истеъмол қилиш инсонни асабийлашишдан халос қилар экан. Япон олимлари мева ва сабзавотларни ҳар кунда истеъмол қиладиган кишилар асабийлашишдан келиб чиқадиган сурункали касалликлар билан камроқ оғришини аниқладилар. Шунингдек, мева ва сабзавотлар таркибида асабийлашиш ҳолатидан тезда чиқиб кетишга ёрдам берувчи моддалар кўпдир.
НИГОРАХОН тайёрлади.
|