ФОЙДАЛИ МУЛОҚОТ

Андижон давлат университетида Ўзбекистон либерал-демократик партияси сиёсий кенгаши ижроия қўмитаси, партиянинг Олий Мажлис Қонунчилик Палатасидаги фракцияси ҳамда Ўзбекистон Фермерлар уюшмаси ҳамкорлигида "Ўзбекистонда фермерлик ҳаракатини янада ривожлантириш ҳамда аграр соҳа тармоқларини модернизация қилишнинг долзарб масалалари: бугунги ҳолат, таклиф ва тавсиялар" мавзусида давра суҳбати ўтказилди.

Тадбирда тадбиркорликни қўллаб-қувватлаш, фермерлик ҳаракатини ривожлантириш, фермер хўжаликларини кўп тармоқли хўжаликларга айлантириш, кичик бизнес ва хусусий тадбиркорлик субъектлари томонидан ишлаб чиқарилаётган маҳсулотлар экспортини ташкил этиш, қишлоқ хўжалиги тармоқлари фаолиятини такомиллаштириш сингари мавзу доирасидаги қатор масалалар хусусида атрофлича сўз юритилди.

Ҳар жиҳатдан фойдали ўтган мулоқот иштирокчилари кўрилган масалалар юзасидан ўзларининг таклиф, фикр ва мулоҳазаларини билдирдилар, уларни қизиқтирган саволларга банк, солиқ ва бошқа тегишли соҳалар мутахассислари атрофлича жавоб берди.

Очиқ-ошкора, савол-жавоблар тарзида ўтган мулоқот унда қатнашган тадбиркор ва фермерларга мавзу доирасида кенг маълумот олишларига, ёрдам берди.

О. МУХТОРОВ