ШОИР ТАВАЛЛУДИГА БАҒИШЛАНДИ
Андижон шаҳридаги 29-умумтаълим мактабида улуғ мутафаккир Алишер Навоий таваллудининг 573 йиллигига бағишланган адабий кеча бўлиб ўтди.
Она тили ва адабиёти фани ўқитувчилари М. Асқарова, М. Содиқовалар томонидан ташкил этилган ушбу тадбирда ўқувчилар буюк ижодкор ҳаёти ва ижодига оид билимлари бўйича ўзаро баҳслашдилар. Шунингдек, 9-синф ўқувчилари шоирнинг рубоий ва ғазалларидан ўқидилар, шоир ғазаллари билан айтилувчи мумтоз қўшиқларини ижро этиб, турли саҳна кўринишларини намойиш этдилар.
Якунда фаол иштирок этган ўқувчилар мактаб маъмурияти томонидан эсдалик совғалар билан тақдирландилар.
Ш. КЕЛДИЕВ.
|