ДЕПУТАТ БИЛАН МУЛОҚОТ
Шу кунларда Ўзбекистон Республикаси Олий Мажлиси Қонунчилик палатаси депутати Хафизахон Каримова Андижон шаҳридаги қатор маҳаллаларда, таълим муассасаларида сайловчилар билан учрашувлар ўтказмоқда.
Ана шундай учрашув Андижон шаҳридаги 2-маиший хизмат касб-ҳунар коллежида ҳам бўлиб ўтди. Коллежнинг ўқувчи ва ўқитувчилари, ҳудуддаги маҳаллалар фаоллари иштирок этган тадбирда "Соғлом бола йили" давлат дастурида белгиланган вазифалар, коллеж битирувчилари, аҳоли, айниқса, хотин-қизлар бандлигини таъминлаш, ёшлар фаоллигини ошириш, оналар ва болалар соғлигини муҳофаза қилиш масалаларида атрофлича сўз юритилди.
Очиқ мулоқот тарзида ўтган учрашувда қатнашчилар мавзу доирасида ўзларининг таклиф, фикр ва мулоҳазаларини билдирдилар. Х. Каримова уларни қизиқтирган саволларга жавоблар берди.
З. АБДУЛЛАЕВА.
|