АЁЛЛАРИ ЭЪЗОЗ ТОПГАН ЮРТ

Бобур номидаги Андижон вилояти ахборот-кутубхона марказида Андижон давлат университети, Андижон туманидаги педагогика ва ижтимоий-қтисодиёт коллежи ҳамда "Ёшлар спорт саройи" ҳамкорлигида "Аёллари эъзоз топган юрт" мавзусидаги адабий-мусиқали кеча бўлиб ўтди.

АДУ филология факультети талабалари, магистрантлари, Андижон тумани педагогика ва ижтимоий-иқтисодиёт коллежи ўқитувчи ва ўқувчилари иштирок этган тадбирда баҳор, аёл, оналарни мадҳ этувчи баҳру байт, ғазал, қўшиқ ва рақслар, саҳна кўринишлари ижро этилди. "Ёшлар спорт саройи" гимнастикачи қизларининг чиқишлари байрамга ўзгача руҳ бағишлади.

Тадбир сўнггида Бобур номидаги вилоят ахборот-кутубхона маркази директори Г. Исмоилова барча аёллар ва қизларни баҳорий байрам билан қутлаб, АКМ номидан тадбир меҳмонлари ва иштирокчиларига совғалар топширди.

Д. ЭГАМБЕРДИЕВА,

вилоят ахборот-кутубхона маркази кутубхоначиси.