"МУҲАММАД ЮСУФ ШЕЪРЛАРИ БИЛИМДОНИ"

Андижон давлат университетида "Муҳаммад Юсуф шеърлари билимдони" кўрик-танловининг вилоят босқичи бўлиб ўтди.

Республика маънавият тарғибот маркази Андижон вилоят бўлими ташаббуси билан ўтказиилган ушбу танлов шоир ижодини тарғиб этиш, шеърларининг халқимиз маънавиятини юксалтиришдаги ўрни ва ролини оширишга хизмат қилади.

Танловнинг вилоят босқичида иштирокчилар шоирнинг Ватан, табиат манзаралари мавзулари-даги ҳамда ўзбек аёллари ва қизларига атаб ёзган шеърларини ёддан ва ифодали ўқиш, ҳаёти ва ижоди ҳақидаги саволларга жавоб бериш шартлари бўйича ўз билим ва маҳоратларини намо-йиш этдилар.

Шеърият байрамига айланган танловнинг якуний натижаларга кўра, Марҳамат тумани, Қорақўрғон қишлоғи "Зиёкор" маҳалласида яшовчи Нодирахон Жўраева мутлоқ ғолиб деб эътироф этилди.

Танловда шунингдек, "Энг ёш иштирокчи", "Энг ёши улуғ иштирокчи" сингари қатор номинациялар бўйича ҳам ғолиблар аниқланди. Совриндорлар диплом ва эсдалик совғалар билан тақдирландилар.

З. АКБАРОВА.