ТАРИХ ФАНИ ЎҚИТУВЧИЛАР СЕМИНАРИ

Андижон шаҳридаги 21-умумтаълим мактабида шаҳардаги умумтаълим мактабларининг тарих фани ўқитувчилари иштирокида семинар ўтказилди.

Семинар иштирокчилари тарих фани ўқитувчиси Зуҳрахон Солиева ҳамда Минурахон Ашуроваларнинг 5-6 синф ўқувчиилари билан ўтказган очиқ дарсини кузатдилар. Семинар доирасида 7-синф ўқувчилари томонидан ташкил этилган "Тарихга саёҳат" кўргазмаси ҳамда мусиқа ўқитувчиси Моҳинур Сотволдиева раҳбарлигида тайёрланган мусиқий дастур йиғилганларда катта таассурот қолдирди.

Қизиқарли ва ўзаро тажриба алмашиш, илғор тажрибаларни ўрганиш имконини берган семинар якунида халқ таълими муассасалари фаолиятини методик таъминлаш ва ташкил этиш шаҳар бўлими услубчиси Раънохон Шодмонова сўз олиб, семинар ташкилотчилари ва мактаб маъмуриятига иштирокчилар номидан миннатдорчилик билдирди.

Ф. ДАРМОНОВА.