"СИЗ ҚОНУНННИ БИЛАСИЗМИ?"
Андижон шаҳридаги Маиший хизмат кўрсатиш касб-ҳунар коллежида "Сиз қонуннни биласизми?" кўрик-танловининг вилоят босқичи бўлиб ўтди. Унда танловнинг ҳудудий босқичларида ғолиб бўлган жамоалар бешта шарт бўйича ўзаро беллашдилар. Иштирокчи жамоаларнинг ҳуқуқий билимлари бўйича савол-жавоблар, турли саҳна кўринишлари кўпчиликда катта таассурот қолдирди. Якуний натижага кўра, Избоскан агросаноат касб-ҳунар коллежининг "Камолот" жамоаси ғолибликни қўлга киритиб, танловнинг республика босқичида қатнашиш ҳуқуқига эга бўлди. Ғолиб ва совриндор жамоалар танлов ташкилотчилари томонидан диплом ва эсдалик совғалари билан тақдирланди.
С. ЖУМАЕВ.
|