ЁШ ТАДБИРКОРЛАР ҚЎЛЛАБ-ҚУВВАТЛАНМОҚДА
Андижон шаҳридаги Ахборот технологиялари касб-ҳунар коллежи битирувчилари учун кичик бизнес ва хусусий тадбиркорлик билан шуғулланиш истагида бўлган ёшларни қўллаб-қувватлаш, уларнинг тадбиркорлик фаолиятига кўмаклашиш мақсадида семинар бўлиб ўтди. Семинарга "Микрокредитбанк" вилоят филиали ходимлари ташриф буюриб, ўқувчиларнинг бизнес ғоя ва режалари билан танишдилар. Шунингдек, тадбиркорлик фаолиятини юритишда ёшлар ўрни ва уларга берилаётган имкониятлар хусусида сўз юритдилар.
- Ушбу йиғилишда мен қорамолчиликни ривожлантириш борасидаги бизнес режа билан иштирок этдим, - дейди 3-босқич ўқувчиси Жамшидбек Тўхташеров. - Келгусида тадбиркорлик фаолиятим билан юртимиз иқтисодиётини ривожлантиришга ўз хиссамни қўшмоқчиман.
Якунда ўқувчиларни қизиқтирган саволларга мутахассислар томонидан тегишли жавоблар берилди.
Н. ҚЎЧҚОРОВ.
|