ТАВСИЯ

ПАРФЮМЕРИЯ ВОСИТАЛАРИ СИФАТИНИ ҚАНДАЙ АНИҚЛАШ МУМКИН?

Парфюмерия воситаларини ҳарид қилишдан аввал, қуйидагиларга эътибор қаратинг:

Уларнинг қадоғидаги ёзувлар ва рангларнинг тиниқлиги ҳамда тўғри ёзилганлигига эътибор беринг. Чунки, аксарият қалбакилаштирилган атирлар қадоғидаги ёзувларда хатоларнинг бўлиш эҳтимоли юқори. Масалан, "Climat" ўрнига "Clema", "Cool Water" эса "Cool Winter", "Kenzo" ўрнига "Genzo"... Шунингдек, асл атирлар қадоғига "Parfum" деб ёзилади. Қалбакилаштирилганларида бўлса "Parfume" деб ёзилган бўлиши мумкин.

Яна бир ёзув, бу ишлаб чиқарган давлатнинг номи. Масалан, Франция давлатида ишлаб чиқарилган атирларга "Ғrance" деб ёзилади, сохтасида эса "Made in Ғrance" ёзувини учратишингиз мумкин. Булардан ташқари, ҳақиқий сифатли атирларнинг штрих-коди мавжуд. Улар:

Буюк Британиянинг штрих-коди 50, Германияники 400-440, Испанияники 84, Италияники 80-83, Францияники 30-37, Канаданики 00-09. Шунингдек, штрих-коднинг пастки тарафида маҳсулотни билдирувчи рақамлар ёки сонлар берилган бўлади. Ушбу ёзув атир идишида ҳам бўлиши лозим.

СОЖИДА тайёрлади.