"ЙИЛ ТАЛАБАСИ - 2014"

Андижон машинасозлик институти ректорати ташаббуси билан "Камолот" ёшлар ижтимоий харакати вилоят бўлими, вилоят хотин-қизлар қўмитаси хамда қатор ташкилотлар хамкорлигида Андижон шахридаги "Чўлпон" кинотеатрида "Йил талабаси-2014" кўрик-танлови бўлиб ўтди.

"Соғлом бола йили" Давлат дастурида белгиланган вазифалар хамда Ўзбекистон Республикаси Президентининг 2014 йил 6 февралдаги "Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида"ги қарори ижросини таъминлаш мақсадида ўтказилган мазкур танловда ўқишда, жамоат ишларида фаол бўлган Андижон машинасозлик институтининг бир гурух талабалари иштирок этиб, ўқув йили давомида эришган натижаларини, шунингдек, белгиланган шартлар асосида ўзларининг билим, истеъдод ва салохиятларини намойиш этдилар.

Қизиқарли ва юқори савияда ўтган танловнинг якуний натижаларига кўра, институтнинг технология факультети 4-босқич талабаси Ниёзбек Боймирзаев мутлоқ ғолиб деб топилди.

Шунингдек, танловда "Йилнинг энг фаол гурух етакчиси", "Йилнинг энг намунали талабаси", "Энг намунали инновацион лойихалар муаллифи", "Йил "Камолотчиси" сингари саккизта номинация бўйича хам ғолиблар аниқланди.

Улар ташкилотчилар томонидан диплом ва эсдалик совғалар билан тақдирландилар.

Х. СИДДИҚОВА.