"ЮКСАК МАЪНАВИЯТЛИ АВЛОД"

Пойтахтимиздаги А. Навоий номидаги миллий кутубхонада "Юксак маънавиятли авлод" фестивалининг республика босқичи бўлиб ўтди. Унда Қорақалпоғистон Республикаси ҳамда юртимизнинг барча вилоятларидан ташриф буюрган ёшлар ўз истеъдодларини намойиш этдилар. Фестивалнинг биринчи қисмида таниқли санъаткор ҳамда актёрлар билан учрашув бўлиб ўтди. Шунингдек, Муқимий номли театрда бадиий чиқишлар намойиш этилди.

Фестивалнинг йўналишлари бўйича Қорақалпоғистон Республикаси, Тошкент, Фарғона, Навоий, Қашқадарё ҳамда Бухоро вилоятларининг ёшлари ғолибликни қўлга киритган бўлса, Самарқанд, Қарши, Жиззах ва Андижон вилояти ёшлари эса турли йўналишлари бўйича совринли ўринларга сазовор бўлдилар.

Якунда ғолиб ҳамда фаол иштирок этган қатнашчиларга диплом ва эсдалик совғалари топширилди.

М. ҚОДИРОВА.