"Сайлов жараёнини ёритишда ОАВларининг роли"
Фуқаролик жамияти шаклланишини мониторинг қилиш мустақил институти вилоят ҳудудий бўлинмаси ташаббуси билан "Сайлов жараёнини ёритишда оммавий ахборот воситаларининг роли" мавзусида давра суҳбати бўлиб ўтди.
ФЖШМҚМИ ҳудудий бўлинмаси мутахассислари, вилоят сайлов комиссияси аъзолари, вилоятдаги оммавий ахборот воситалари вакиллари иштирок этган мазкур анжуманда сайловлар демократик ҳуқуқий давлатнинг ажралмас белгиси, халқ хоҳиш-иродасининг эркин ифодаланиши, фуқароларнинг жамият ва давлат ишларини бошқаришда бевосита ҳамда ўз вакиллари орқали иштирок этишининг асосий кўринишларидан бири эканлиги, сайлов жараёнини ҳар жиҳатдан пухта ва самарали ўтказиш муҳимлиги, ана шу жараённи тизимли ёритиш, сиёсий партияларнинг сайловолди ташвиқотларини амалга оширишда оммавий ахборот воситаларининг роли хусусида атрофлича сўз юритилди.
Мамлакатимизда сайлов жараёнини ёритиш бўйича қатор қонун ҳужжатларида тегишли тартиблар ишлаб чиқилган. Тадбирда эксперт ва мутахассислар томонидан ОАВ ходимларига ана шулар ҳақида кенг ва тўлақонли маълумотлар берилди.
З. АБДУЛЛАЕВА.
|