"01" ОГОҲЛАНТИРАДИ!

ПАХТАНИ ЁНҒИНДАН АСРАЙЛИК!

Шу кунларда юртимизда пахта йиғим-терими бошланди. Ушбу жараёнда ёнғин хавфсизлиги қоидаларига амал қилиш муҳимдир. Демак, пахтани ёнғиндан сақлашда қуйидагиларга амал қилиш лозим:

- Пахтани қайта ишлаш корхоналари, тайёрлов пунктлари, хирмонларнинг ёнғин хавфсизлиги ҳолатини яхшилаш, бирламчи ёнғин ўчириш воситалари билан таъминлаш зарур;

- Мавсумга жалб этилган барча турдаги транспорт воситаларида пахтани техник жиҳатдан носоз бўлган автомобиль ва тракторларда ташиш таъқиқланади, ҳар бир транспорт учқун сўндиргич ва ёнғин ўчиргич билан жиҳозланган бўлиши талаб этилади;

- Пахтани транспорт қатнов йўлларида, жамоат жойларида, болалар боғчалари ва мактаблар яқинида қуритиш мумкин эмас;

- Пахта заводлари, тайёрлов пунктлари, хирмонлар, пахта қуритиш жойларида, шунинг-дек, пахта юкланган транспорт яқинида сигарет чекиш, очиқ оловдан фойдаланиш қатъиян маън этилади;

- Пахта теримига жалб этилган ҳашарчилар жойлашган масканларнинг ёнғин ҳавфсизлиги ҳолати талаб даражасида ҳамда бирламчи ёнғин ўчириш воситалари билан жиҳозланган бўлиши зарур;

- Ҳашарчилар жойлашган бино, ёрдамчи хона ва омборларда носоз электр тизимлари, вақтинчалик ўтказилган электр сим ва кабеллардан фойдаланиш, тез ёнадиган суюқ ёнилғиларни сақлаш, овқат тайёрлашда ва хоналарни иситишда электр асбобларидан фойдаланиш, хоналарни ёритиш учун шам ёқиш таъқиқланади.

- Фавқулодда ёнғин содир бўлганда жойлардаги ёнғин хавфсизлиги қисмларига "01" телефони орқали зудлик билан хабар бериш керак;

Азиз ҳамюртлар! Пахта-халқ бойлиги. Унинг ҳар бир мисқоли тинимсиз меҳнат, катта машаққат эвазига яралган. Шунинг учун далаларимиздаги оқ олтинни асраб-авайлаб, йиғиб-териб олайлик.

Эркинжон ЖАББОРОВ,

Андижон вилояти ИИБ ЁХБ катта муҳандиси, майор.