ҲИММАТИ БАЛАНД ОНАХОНЛАР
Ота-боболаримиз "Кексалар бор жой файзли бўлади" деган гапни бежиз айтишмаган. Ҳақиқатан ҳам шундай. Жалақудуқ тумани "Қатортол" массивидаги Умиджон Назиров бош бўлган "Барҳаёт замин " фермер хўжалиги далаларига файз бағишлаётган кекса онахонлар ёшлар билан бир қаторда пахта йиғим-теримида фаол иштирок этморқдалар. Арофатхон ая Раҳимова, Оязимхон ая Ғаниева ва Ҳабибахон ая Султоновалар кунига 50-60 килограммдан пахта териб, оқ олтин хирмонига барака киритмоқдалар. Уларнинг ғайрати ёшларга куч, шижоат бахш этмоқда.
Айни кунда фермер хўжалиги йиллик шартномавий режани бажариш арафасида турибди. Бунда ҳиммати баланд нуронийларнинг ҳам салмоқли ҳиссалари бор.
Раъно ЙЎЛЧИБОЕВА,
Жалақудуқ туманидаги 20-умумтаълим мактаби ўқитувчиси.
|