Кўнгил кечинмаси

УСТОЗ

Ҳар йили 1 октябрь - Ўқитувчилар ва мураббийлар байрами муносабати билан илк устозимиз Раънохон опанинг уйларига борамиз. Биринчи устозимизнинг нафақага чиққанига ҳам анча вақт бўлди. Раъно опанинг биз каби шогирдлари жуда кўп. Шунинг учунми байрам йўқловида хонадони меҳмонга тўлиб кетади. Бироқ бу сафар устозни ўз уйидан топа олмадик. Суриштирсак, улар бошқа бир жойда яшаётган экан. Ўша ерга йўл олдик. Хаёл суриб ўтирган опа бизни кўриб қувониб кетди. Бизларни бирин-кетин бағрига босар экан, кўз ёшларини яширолмади. Олис хотираларни кулиб-кулиб, ширин орзиқиш билан эслашдик. Байромолди дийдорлашув ниҳоясида устозни энди сира ёлғизлатмасликка, тез-тез хабар олиб туришга ваъдалашиб хайрлашдик. У ердан қайтар эканмиз, қалбимизнинг бир бўлаги биринчи ўқитувчимиз билан қолганини дилдан ҳис қилдик.

Соҳибахон ЎСАРАЛИЕВА, Булоқбоши туманидаги 2-умумтаълим мактаби ўқувчиси.