Пазанда маслаҳати
ДУМБУЛ ШЎРВА
Керакли махсулотлар: 4-5 дона маккажўхори сўтаси, 300 гр. гўшт, 100 гр. қўй ёғи, 2 дона пиёз, 2-3 дона помидор, 4-5 дона картошка, жамбил, туз, қалампир ва кўкатлар.
Тайёрланиши: Маккажўхори сўтасини пўстлоғидан ажратинг. Ҳар бир думбулни 2-3 тага бўлиб ювинг ва совуқ сувга солиб қайнатиб олинг. Сувини тўкиб ташланг. Шунда макканинг ўзига хос ҳиди кетади. Қозонга сув қуйиб, думбулни ёғлироқ гўшт билан бирга паст оловда бир соат давомида қайнатинг. Унга янги 100 гр. қўй ёғини майда тўғранг ва жамбил билан бирга солинг. Ҳосил бўлган кўпигини олиб, доира шаклида кесилган пиёз ва помидорни қўшинг. Пишишига 20 дақиқа қолганда картошка солинг. Тузини таом пишганда ростланг. Дастурхонга тортишдан аввал шўрва юзига тўғралган кашнич ёки райҳон баргларидан солинг.
|