АДАБИЙ-БАДИИЙ КЕЧА
Андижон шаҳридаги 3-мактабгача таълим муассасасида Алишер Навоий ҳамда Заҳириддин Муҳаммад Бобур таваллудига бағишланган тадбир бўлиб ўтди. Тадбирда тарбиячилар Гулбаҳор Қодирова ва Комила Абдураҳмоновалар бошчилигида тарбияланувчилар томонидан тайёрланган бадиий дастур намойиш этилди. Шунингдек, тадбир "Зумрадойлар давраси" тўгараги аъзолари иштирокида "Зумрадойлар маликаси" беллашувига уланиб кетди. Қизиқарли ўтган беллашувда катта гуруҳ тарбияланувчиси Дурдона Абдусатторова ғолиб деб топилиб, эсдалик совға соҳибига айланди.
Тадбирни ўтказишдан мақсад ёш авлод қалбида аждодларимизга ҳурмат туйғусини кучайтириш, уларнинг билимдон ва зукко бўлиб улғайишига замин яратишдир.
З. РАҲМОНОВА.
|