"ЗАКОВОТ" МУСОБАҚАСИ

Андижон шаҳридаги 15-умумтаълим мактабида шоира Зулфияхоним таваллудининг 100 йиллигига бағишлаб, "Заковот" мусобақаси ўтказилди. Ушбу мусобақада Андижон шаҳридаги 9 та умумтаълим мактаб ўқувчилари иштирок этдилар. Қатнашчилар Зулфияхоним ҳаёти ва ижоди юзасидан савол-жавоб, энг яхши саҳна кўриниши ва шоиранинг шеърларини ким кўп ёддан айтиш шартлари бўйича ўзаро беллашдилар.

Тадбир сўнгида 35-ДИМ жамоаси 85 балл тўплаб, 1-ўринни, 15-умумтаълим мактаби ўқувчилари 80 балл тўплаб, 2-ўринни, 25-умумтаълим мактаби вакиллари эса 70 балл билан 3-ўринни қўлга киритдилар. Ғолиблар эсдалик совғалари билан тақдирландилар.

Ш. КЕЛДИЕВ.