Дил номаси
Моҳидилхон АҲМЕДОВА, Вилоят божхона бошқармаси ходимаси.
Юртимизда тинчлик ва осойишталикни, иқтисодий хавфсизликни таъминлашда божхона хизматининг роли ва ўрни муҳим аҳамият касб этади. Божхона хизмати мамлакатимизда самарали божхона назоратини таъминлаш ва товар айланмасини тартибга солиш, ташқи савдони ривожлантириш ҳамда ташқи савдо операцияларини амалга оширишга кўмаклашади ва шу орқали юртимиз иқтисодиётини юксалишига, иқтисодий суверинтетини мустаҳкамлашга хизмат қилади.
Мен мазкур тизимда иш бошлаганимга кўп бўлмаган бўлса-да, изланиб ишлашга, зиммамдаги вазифани масъулият билан адо этишга ҳаракат қиляпман. Кўплар божхона тизимида ишлаш аёл киши учун қийин дейишади. Бироқ ўзинг ёқтирган, болаликдан орзу қилган касбда ишлаш кишига куч ва шижоат беради, қийинчиликлар у қадар билинмайди. Қолаверса, тажрибали ҳамкасбларим, устозларим менга яқиндан ёрдам бермоқда, улардан соҳанинг ўзига хос жиҳатларини қунт билан ўрганяпман.
Оилам, фарзандларим тинч, севган касбимда ишлаяпман, она юртим равнақи учун хизмат қилаяпман. Ана шунинг ўзи мен учун катта бахт. Хотин-қизлар байрами арафасида барча опа-сингилларимизни табриклайман. Уларга ўзлари орзу қилган бахт насиб этишини тилайман.
|