МАРОҚЛИ ДАМ
Вилоятимизда болажонларнинг ёзги таътилни мароқли ўтказишлари учун болалар оромгоҳлари фаолият кўрсатмоқда. Хусусан, Андижон шаҳридаги 27- умумтаълим мактаби қошида ташкил этилган "Лола" номли кундузги болалар оромгоҳида ҳам болаларнинг мароқли дам олишлари учун барча шароитлар яратилган. Беш нафар тарбиячи, беш нафар етакчилар раҳбарлигида оромгоҳда кўнгилочар ўйинлар, танловлар, тадбирлар ўтказилмоқда.
Оромгоҳдаги "Бойчечак", "Ромашка", "Райҳон" ҳамда "Гуллола" гуруҳлари ўртасида ўтказилган "Қувноқ стартлар" мусобақаси болаларнинг чаққонликларини яна бир бор синовдан ўтказди. Мусобақалар якунига кўра, "Гуллола" гуруҳи ғолиб бўлди.
Ғолиб гуруҳ аъзолари ҳамда мусобақанинг фаол иштирокчилари "Камолот" ЁИҲ Андижон шаҳар Кенгашининг фахрий ёрлиқ ва эсдалик совғалари билан тақдирландилар.
Ш. КЕЛДИЕВ.
|