ДОЛЗАРБ МАСАЛАЛАРГА БАҒИШЛАНДИ
Вилоят хотин-қизлар қўмитаси қошидаги "Аёллар маслаҳат маркази"да хотин-қизлар фаоллигини ошириш, уларнинг бандлигини таъминлаш, тадбиркор ва ҳунарманд опа-сингилларимизни қўллаб-қувватлаш, қизларни оилавий ҳаётга тайёрлаш, аёллар жиноятчилиги, одам савдоси, шунингдек, эрта ва қариндошлар ўртасидаги никоҳларнинг олдини олиш масалаларига бағишланган семинар бўлиб ўтди.
Туман, шаҳар хотин-қизлар қўмиталари фаоллари, уй бекалари ҳамда талаба қизлар иштирок этган ушбу семинарда вилоят хотин-қизлар қўмитаси қошидаги "Қайноналар мактаби", "Психолог", "Тадбиркор аёл" ва бошқа қатор жамоатчилик уюшмалари мутахассислари томонидан тадбирлар ташкил этилиб, мавзулар доирасида қизиқарли маърузалар ўқилди.
Иштирокчилар томонидан маърузалар ҳамда ана шу йўналишлардаги ишларни янада юқори даражага кўтариш юзасидан таклиф, фикр ва мулоҳазалар билдирилди. Қатнашчиларни қизиқтирган саволларга мутахассислар атрофлича жавоб бердилар.
Семинар иштирокчиларга мавзу доирасидаги билимларини бойитиш, ўзаро тажриба алмашишга, шунингдек, олиб борилаётган ишлар самарадорлигини оширишга ёрдам берди.
М. ИСМОИЛЖОНОВА.
|