КЕКСАЛАР АРДОҒИМИЗДА
Олтинкўл тумани тиббиёт бирлашмаси тасарруфидаги "Далварзин" қишлоқ врачлик пунктида "Соғлом авлод учун" халқаро ҳайрия фонди Андижон минтақавий филиали томонидан тиббий кўрик ўтказилди.
"Кексаларни эъзозлаш йили" муносабати билан ташкил қилинган ушбу тиббий кўрикка кексалар, ногирон фуқаролар ҳамда болалар жалб этилди. Бир гуруҳ нуронийларга ва ногиронларга бепул дори-дармонлар тарқатилди.
Ўтказилган мазкур тиббий кўрик юртимизда фуқароларнинг саломатлигини муҳофаза қилишга қаратилаётган эътиборнинг бир намунаси бўлди.
Ш. КЕЛДИЕВ.
|