ЖАЛАҚУДУҚДА БАЙРАМ ШОДИЁНАЛАРИ
Мустақиллик байрами арафасида Жалақудуқ туманида "Андижонни кўркам ва обод вилоятга айлантирайлик" кўрик- танлови катта кўтаринкилик билан бўлиб ўтди.
Тумандаги барча ташкилот ва корхоналар, таълим муассасалари ҳамда маҳаллалар томонидан байрамга катта тайёргарлик кўрилди. Шу куни байрам иштирокчилари ва меҳмонларига туманда амалга оширилган бунёдкорлик ва ободонлаштириш, халқимиз турмуш фаровонлигини юксалтириш борасидаги кенг кўламли ишлар намойиш этилди. Шунингдек, Бештол шаҳарча фуқаролар йиғинидаги "Маданият ва аҳоли дам олиш маркази"нинг очилиши катта тантана билан нишонланди. Мазкур марказда ўз фаолиятини бошлаган тикувчилик, фольклор, рақс, бадиий гимнастика тўгараклари аъзолари томонидан намойиш этилган миллий маҳсулотлар кўргазмаси ҳамда бадиий дастур барчага манзур бўлди.
Туман маданият ва спорт ишлари бўлими санъаткорлари ҳамда ёш истеъдодлар томонидан тайёрланган катта байрам дастури эса барчага кўтаринкилик ва хуш кайфият улашди.
Д. ХУШБАҚОВА.
|