ДАВРА СУҲБАТИ
"Ўзбектелеком" акциядорлик компанияси вилоят филиалида хотин-қизлар орасида жиноятчилик, ўз жонига қасд қилиш, уларнинг чет давлатларга чиқиб кетишининг олдини олиш масалаларига бағишланган давра суҳбати бўлиб ўтди.
Тадбирни "Ўзбектелеком" акциядорлик компанияси вилоят филиали бўлим бошлиғи Моҳигул Азизова очиб, мавзунинг долзарблиги, хотин-қизлар ўртасида жиноятчиликнинг олдини олиш борасидаги ишлар самарадорлигини ошириш муҳим эканлиги ҳақида гапирди.
Шунингдек, йиғилишда "Оила" илмий-амалий маркази вилоят бўлими раҳбари Дилдора Саматова, АДУ катта ўқитувчиси Илтифотхон Ҳакимова, Фуқаролик жамияти шаклланишини мониторинг қилиш мустақил институти вилоят бўлими мутахассиси Фарҳодбек Отахонов, ЎзЛиДеп Андижон шаҳар кенгаши бўлим раҳбари Сурайё Муҳаммадиевалар аёлнинг оила ҳамда жамиятдаги ўрни ва роли, хотин-қизлар ўртасидаги жиноятчилик ҳолатлари, уларнинг турли иллатлар, диний оқимлар таъсирига тушиб қолишларининг олдини олиш борасида атрофлича сўз юритдилар.
З. РАҲМОНОВА.
|