РУҲИЯТ

ЎЗ КАСБИНГИЗДАН ҚОНИҚАСИЗМИ?

Бу саволга қуйидаги тест орқали ўзингизни синаб кўриб, жавоб олинг.

1. Ҳозирги иш жойингизда қачондан бери ишлайсиз?

а) бир йилдан ортиқ - 1 балл;

б) уч йилдан ортиқ - 2 балл;

в) ўн йилдан ортиқ - 2 балл;

г) бир неча ой - 1 балл.

2. Касбий фаолиятингизни муваффақиятли давом эттириш учун ўқиш зарур деб ҳисоблайсизми?

а) ҳозирги ҳолатдан қониқаман - 0 балл;

б) мансабсиз яшай олмайман - 2 балл;

в) албатта, бундан манфаат бор - 1 балл;

г) инсон ҳар доим ниманидир ўргана олади - 4 балл;

д) агар бунинг фойдаси бўлсагина - 2 балл.

3. Касбингиз имкониятларига нисбатан етарли даражада маош олаяпсизми?

а) ҳа, аммо қанча тўлашса ҳам, барибир кам - 2 балл;

б) йўқ, аммо солиштириш қийин - 2 балл;

в) мен сарфлаётган кучга нисбатан жуда кам - 1 балл;

г) маош кам, лекин севимли касбимни сақлаб қолиш учун етарли - 3 балл;

д) тўланаётган маошга яраша ишлайман - 1 балл.

4. Одатда ишга қандай кайфият билан борасиз?

а) қон босими ошган, томир уриш тезлашган, қалтираган ҳолда - 0 балл;

б) ҳаммаси яхши - 4 балл;

в) нафақага қанча қолганини фикран ҳисоблаб бораман - 1 балл;

г) "нимага қодирлигимни уларга кўрсатаман" деган кайфиятда - 2 балл;

д) нима бўлса ҳам ишда уйдагидан яхшироқ - 1 балл.

5. Ишдаги муаммоларни яқинларингиз билан муҳокама қиласизми?

а) бошлиғингиз ҳақида латифалар айтасиз - 2 балл;

б) фақат фойдаси бор гапларни гапирасиз - 1 балл;

в) бу мавзудан қочасиз - 2 балл;

г) баъзан уриниб кўрасиз, аммо бундай суҳбатлар сиз учун қизиқ эмас - 1 балл.

6. Таътил вақтида дам олаётиб, иш ҳақида ўйлаётганингизни сезиб қолдингиз...

а) бўлиши мумкин эмас - 3 балл;

б) ҳамкасбларингиз ҳозир тер тўкиб ишлаётганини тасаввур қилиб, кулиб қўясиз - 2 балл;

в) таътил тезроқ тугашини ҳоҳлайсиз - 1 балл;

г) иш ҳақида ижобий хотирлайсиз, ҳатто ҳамкасбларингизга интернетдан мактуб жўнатасиз - 3 балл;

7. Шу касб билан шуғулланишингизни тасаввур қилганмисиз?

а) бундай яхши бўлишини ҳатто орзу ҳам қилмагандим - 5 балл;

б) бу иш ҳақида аниқ тасаввурга эга эдим, бу жойга интилардим, ҳозир ҳаммаси яхши - 3 балл;

в) бироз кўнглим қолганини сезаман - 2 балл;

г) қаердадир ишлаш керак-ку - 1 балл.

8. Фарзандларингиз сизнинг касбингизни танлашига рози бўлармидингиз?

а) агар бунга қизиқсалар ва ўзлари танласалар - 5 балл;

б) ҳа, фақат сиздан кўра юқорироқ малакани эгаллашса - 4 балл;

в) бу йўлдан қайтаришга уринасиз, бир оиладан битта қурбон етарли - 1 балл;

г) сизга барибир, лекин улар нимадан бошлашни билмаётганига аминсиз - 2 балл;

д) шундай бўлишига умид қиласиз - 1 балл.

Натижалар:

35-25 балл. Сиз уйда ҳам, ишда ҳам ҳар қандай вазиятдан чиқиб кета оласиз. Яхши сифатларингизни сезмайсиз ва комиликка интилишдан чарчамайсиз. Ҳар қандай ишда ўзингизни яхши сезасиз, шунинг учун сиз иш танламайсиз. Нима иш қилманг, ҳаммаси сизга ҳузур бағишлайди.

24-20 балл. Сиз яхши ишлайсиз, лекин барибир нимадир етмайди. Балки, касбий имкониятларингиз қилаётган ишингиздан кўра каттароқдир. Ўзингизни яхши ҳис қилишингиз учун кичик бўлса ҳам муваффақият керак. Эҳтимол, сизнинг қониқмаслигингиз шахсий муаммолар натижаси ёки ҳамкасблар билан мулоқотга кириша олмасликдадир. Ўйлаб кўринг, балки ишдан ҳузур олиш учун бир қарашда майда, бироқ сиз учун муҳим ақидаларни тузатиш керакдир.

20 баллдан кам. Сиз ишда қизиқишсиз ишлайдиган ва ўзини кўрсатиш имконияти бўлмаган жабрдийдасиз. Сабаблар кўп, аммо ўзингизга ишончни йўқотмаган бўлсангиз, яхшиси кетинг. Ўйлаб кўргандан кейин зерикарли ҳаётга сабаб бўлувчи ишдан кетишга қарор қиларсиз.

ЮЛДУЗОЙ тайёрлади.