БАЙРАМ ТАДБИРИ

Андижон машинасозлик касб-ҳунар коллежида "Таянчим, суянчим, фахру ифтихоримсан, муқаддас Ватан" шиори остида Ватан ҳимоячилари кунига бағишланган байрам тадбири бўлиб ўтди.

Коллеж маъмурияти ва "Камолот" ЁИҲ бошланғич ташкилоти ташаббуси билан ўтказилган мазкур тадбирда Андижондаги ИИБ қоровул қўшинларига қарашли ҳарбий қисм командири, подполковник Ю. Шерназаров, Тўққизариқ маҳалла фуқаролар йиғини ички ишлар профилактика инспектори, лейтинант Б. Ғаниев иштирок этди.

Тадбирда сўз олган коллеж директори Д. Ўринов, ҳарбий қисм командири Ю. Шерназаров ва бошқалар иштирокчиларни байрам билан муборакбод этиб, юрт тинчлиги, Ватан ҳимояси муқаддас бурч эканлиги ҳақида гапирдилар.

Коллеж ўқувчилари томонидан тайёрланган бадиий дастур ҳамда ҳарбий хизматчиларнинг кўргазмали чиқишлари барчага байрамона кайфият улашди. Якунда коллежнинг бир гуруҳ иқтидорли ўқувчилари эсдалик совғалар ва "Камолот" ЁИҲ Андижон шаҳар бўлимининг фахрий ёрлиғлари билан тақдирландилар.

М. ШЕРБОЕВ,

"Камолот" ЁИҲ бошланғич ташкилоти раиси.