№13, 25.03.2016 "АЛОҚА КАСБ ЭГАСИ - ОҚИЛА УЙ БЕКАСИ"
"Узтелеком" АК Андижон филалида "Алоқа касб эгаси - оқила уй бекаси" деб номланган кўрик-танлов бўлиб ўтди. Тадбирни филиал раҳбари Б. Маниёзев очиб, йиғилганларни кириб келган баҳор айёми - Наврўзи олам билан қутлади.
Танловда филиалнинг шаҳар ва туманлар тармоқ бўлинмаларидан ташриф буюрган беш жамоа уч шарт бўйича ўзаро беллашдилар. Алоқа соҳасида меҳнат қилаётган қиз-аёлларнинг актёрлик, пазандачилик, алла айтиш, ифодали ўқиш маҳоратлари ва ўзининг касби бўйича билимлари синовдан ўтказилиб, нуфузли ҳайъат аъзолари томонидан баҳолаб борилди. Якуний натижаларга кўра, Асака шаҳрининг "Актив алоқачи" жамоаси 1- ўринга, Андижон шаҳрининг "Нафосат" жамоаси 2- ўринга, Марҳамат туманининг "Чаққон бекалар" жамоаси 3- ўринга муносиб деб топилди.
Якунда ғолиб ва совриндорларга "Ўзтелеком" АК Андижон филиалининг совғалари топширилди.
Моҳигул АЗИЗОВА,
филиалнинг бошланғич
хотин-қизлар ташкилоти раиси.
|