№9, 26.02.2015 Огоҳлик
АСР ВАБОСИГА ҚАРШИ КУРАШАЙЛИК
Бугун бутун дунёни ташвишга солаётган гиёҳвандлик офати кўлами тобора кенгайиб бораётгани ачинарли ҳолат. Унинг асирига айланиб қолаётганларнинг аксарияти ўсмир, ёш йигит-қизлар эканидан кўз юмиб бўлмайди. Оғу қулига айланганларнинг аччиқ қисмати ҳақида деярли ҳар куни ОАВ воситалари орқали кўрсатилмоқда, ёзилмоқда, гапирилмоқда. Бироқ шунга қарамай, айрим нопок кимсаларнинг бу иллат "ташувчилари" бўлиб, юртдошларимизни гиёҳвандлик домига тортаётганликларини ҳеч нима билан оқлаб бўлмайди.
Тегишли идоралар, кенг жамоатчилик томонидан баъзи шахсларнинг гиёҳванд ўсимликлар етиштиришининг олдини олиш, уларга қарши курашишга доир ишлар кўлами ортиб бормоқда. Ўз вақтида олди олинган жиноят жуда кўп нохушликларга барҳам бериши табиий. Шунинг учун ҳам бугун аҳоли, айниқса, ёшлар ўртасида бу иллатга қарши тарғибот-ташвиқот ишларини кучайтириш, жойларда қатор тушунтириш ишлари олиб бормоқдамиз.
Азиз ҳамюртлар! Асримиз вабосига айланган гиёҳвандликка қарши биргаликда курашайлик. Зеро, соғлом ҳаёт барча яхшилик ва эзгуликларнинг асосидир.
Илёсбек АРЗИЕВ,
Андижон темир йўл бекати ТИИБ ВЕУН ва ХПГ катта инспектори, капитан.
|