Огоҳлик - давр талаби

ОДАМ САВДОСИ ҚУРБОНИГА АЙЛАНМАНГ!

Бугунги куннинг долзарб муаммоларидан бири бўлган одам савдосига қарши халқаро ҳамжамият, кўплаб мамлакатлар кенг кўламда кураш олиб бормоқда. Юртимизда ҳам бу борада қатор чора-тадбирлар амалга ошириб келинмоқда. Бироқ айрим фуқароларимизнинг ёлғон ваъдаларга ишониб, мўмай пул илинжида хорижга бориб ишлаш жараёнида одам савдоси қурбони бўлиб қолаётганлари ачинарлидир.

Одам савдоси - инсон ҳуқуқларининг поймол бўлишининг бир кўринишидир. Шунинг учун ҳам мамлакатимизда бу жиноятдан жабрланганларга ижтимоий-руҳий мадад кўрсатиш борасида кенг кўламли ишлар олиб борилмоқда. Шунинг баробарида фуқароларимизга билиб-билмай одам савдоси қурбонига айланиб қолмасликлари учун қуйидагиларни ёдда тутиши лозимлигини эслатиб ўтмоқчимиз:

- хорижга ўқишга, ишга борганда, шахсингизни тасдиқловчи ҳужжатингизни ҳеч кимга ишониб топширманг;

- давлатимизнинг чет элдаги элчихоналари ва консуллик ваколатхоналарининг телефон рақамларини аниқлаб олинг;

- хорижда таклиф қилинаётган ўқиш ёки иш шартномасини тўлиқ ўрганиб чиқинг, ундаги манзил ва шарт-шароитлар аниқ кўрсатилганлигига эътибор беринг.

Азиз ҳамюртлар! Доимо огоҳ бўлинг. Одам савдоси қурбонига айланиб қолманг!

Илёсбек АРЗИЕВ,

Андижон ТИИБ ВЕУН ва ХПГ катта инспектори, капитан.