ДУНЁ АЖОЙИБОТЛАРИ

Қон гуруҳига қараб ишга олинг

Япониялик мутахассислар инсон қон гуруҳининг унинг табиатига таъсирини ўрганиб чиқдилар. Олимларнинг бу тажрибалари эълон қилингандан сўнг кўплаб ишчилар бошларини қаерга уришини билолмай қолдилар. Сабаби эндиликда баъзи корхона ва ташкилотларда ишга кирувчиларни қон гуруҳига қараб ишга қабул қилиш жорий этилди.

Тадқиқотчиларнинг олиб борган тажрибаларига кўра, биринчи қон гуруҳига эга бўлганлар универсал бўлиб, улар ҳар қандай ишни бемалол бажаришлари мумкин экан, шунинг учун ҳам ташкилотларда уларга нисбатан катта ишонч пайдо бўлган.

Иккинчи қон гуруҳига эга бўлганлар эса ўта қизиққон ҳамда жаҳлдор бўлишлари аниқланган. Шунинг учун ҳам Япония иш берувчилари уларни ишга олишда маълум муддат синов жараёнини қўллашмоқда.

Учинчи гуруҳ қонга эга бўлганлар эса саргузаштларни хуш кўрувчилар бўлиб, янгилик яратиш билан шуғулланадиган идоралар уларни ишга жалб этмоқда.

Тўртинчи гуруҳ қонга эга бўлганлар эса жумбоқли шахслар экан, уларнинг қандай ишларни уддалай олишлари ҳам сир бўлиб, иш берувчилар бу гуруҳ қонга эга бўлган шахсларни текшириб ўтирмай ишга оладилар. Сабаби бундай қон гуруҳига эга бўлганлар камчиликни ташкил қилади.

Барно тайёрлади.