№3, 13.01.2011 Орастахона
ҚЎЛЛАР ПАРВАРИШИ
*қишнинг совуқ кунларида қўл териси қуруқшаб, ўз жозибасини аста йўқота бошлайди. Бунинг олдини олиш учун ҳар куни кечқурун глицериндан фойдаланиш айни муддаодир. Бунинг учун кечқурун уйқуга ётишдан аввал қўлни совунлаб ювиб, яхшилаб қуритасиз. Кейин глицериндан қўлларингизга аста-секин суртасиз.
Эрталаб илиқ сувда қўлингизни ювиб, юмшоқ сочиққа артасиз. Бу тадбирни ҳар куни бир ҳафта мобайнида қўллайсиз.
*Иккита идишни тайёрлаб олиб, тирсаккача кўмадиган қилиб биринчисига иссиқ сув, иккинчи идишга эса ўртача совуқ сув қуясиз. Кейин қўлларингизни аввал иссиқ сувга 2 дақиқа, сўнг иккинчи идишдаги совуқ сувга солиб турасиз. Шундай қилиб, иссиқ сув совигунга қадар ушбу тадбирни такрорлайсиз.
Бунда қўлларнинг териси тиниқлашади ва майин ҳолатга келади.
НИГОРА тайёрлади.
|