№12, 17.03.2011 Орастахона
ЁШАРИШ УСУЛЛАРИ
Шифобахш ванналар орқали инсон бутун вужудини ёшартириш имкониятига эгадир. Ҳар бир аъзо каби тери ҳам алоҳида парвариш талаб этади. Тери соғғлом бўлсагина инсон ёш кўринади. Айниқса, тери касалликларига чалинишдан сақланиш керак. Хасталикларни даволашда эса вақтида чора кўриш қариликнинг олдини олади.
* Баданга чиқадиган сувли тошма (экзема)дан қутилиш учун яримта картошка уни (крахмал)ни бир литр сувга солиб аралаштиринг. Кейин ваннадаги сувга қуйинг ва 20 дақиқа давомида ваннада ётинг.
Ушбу муолажа терини юмшатиб, қичишишни қолдиради. Танга-танга каби ҳосил бўлган темиратки яраларни тўкади.
* Тери тошмалари ва ҳуснбузарларни даволаш учун 400 гр. беда устига 2 литр қайноқ сув қуйинг. Бироз тиндириб қўйга- нингиздан кейин илиқ сувли ваннага қуйинг. Тайёр ваннада 15 дақиқа давомида ётасиз.
Ушбу муолажани 15 кунда бир марта такрорласангиз, кифоя қилади.
* Бадандаги қичимали тошма (дерматит)ни даволашда 200 гр. қариқиз барглари устига 1 литр қайноқ сув қуйиб, тиндириб қўясиз. Кейин уни докадан сузиб олиб, илиқ сув қуйилган ваннага соласиз.
Ушбу шифобахш ваннани 20 кун давомида, кунора қабул қилсангиз, мақсадга мувофиқ бўлади.
НИГОРА тайёрлади.
|