№42, 17.10.2011 Орастахона
ТИРНОҚЛАР ПАРВАРИШИ
Бир бош пиёз шарбатини 1 чой қошиқ тоза асалга қўшиб аралаштиринг. Омухтани тирноқларингизга кечқурун уйқуга ётишдан аввал суртиб оласиз. 20 дақиқадан сўнг илиқ сувда тирноқларингизни ювиб ташлайсиз.
Ушбу муолажа мўртлашган тирноқларни мустаҳкамлайди ва устини ялтиратади.
***
Ярим пиёла ўсимлик мойини қайноқ сувда илитиб, 3-4 томчи лимон шарбатидан қўшасиз. Сўнг, унга бармоқларингизни 10 дақиқа давомида ботириб турасиз.
Шимувчи қоғоз (салфетка) билан бармоқларингизни қуритасиз. Кейин бир неча соат давомида қўлларни ювмай турганингиз маъқул.
Ушбу муолажа мўртлашиб, синиб кетадиган тирноқлар учун фойдалидир.
***
Баъзида тирноқлар орасида замбуруғ пайдо бўлиб қолади. Бунинг олдини олиш учун қуйидаги муолажадан фойдаланинг.
Битта пиёлага қуюқ қилиб қахва тайёрлайсиз. Сўнгра бармоқларни қаҳвага ботириб турасиз. Лекин қахва тагидаги қуйқа тўзғимаслиги керак.
Тайёрловчи: НИГОРА.
|