Пазанда маслаҳати

"ПЛОМБИР" ШИРИНЛИГИ

Керакли масаллиқлар: Тухум сариғи 6 та, 1 стакандан сут ва шакар, сариёғ 1 чой қошиқ, қаймоқ 250 мг., қанд упаси 3-4 ош қошиқ, ванилин 1 чимдим, 1 чой қошиқ кофе ёки какао, 1 дона банан меваси.

Тайёрланиши: Тухум сариғини оқаргунча кўпиртирасиз. Кейин шакарни оз-оздан қўшиб борасиз. Илиқ сутга ванилин қўшиб, оловга қўясиз ва 5 дақиқадан кейин олиб, совутасиз. Бироз музлаткичга қўйсангиз ҳам бўлади.

Қаймоққа сариёғ, қанд упаси, ванилинни солиб, аралаштирасиз. Тайёр бўлган кремни музлаткичда музлаш даражасига етай деб қолганда, уни сут билан аралаштирасиз. Пломбир ичига кофе, какао ва бананни майда тўртбурчак қилиб тўғраб, аста аралаштириб юборасиз.

БАҚЛАЖОН ТАОМИ

Керакли масаллиқлар: Икки дона бақлажон, 100 граммдан ёғли пишлоқ ва гўштли қийма, биттадан помидор ва бодринг, таъбга кўра туз ва зираворлар.

Тайёрланиши: Бақлажон ичини пичоқ ва чой қошиқда аста ковлаб олиб, ичига туз ва зираворлар солинган пишган қиймани жойлаштирасиз. Кейин устига пишлоқни қириб соласиз ва 150 Со ҳароратда бўлган духовкада 15 дақиқа давомида пиширасиз.

Тайёр бўлган таомни ликопларга солиб, атрофига помидор ва бодрингдан тилим қилиб кесиб безайсиз.

"Таомнома" китоби асосида ГУЛИ тайёрлади.