№52, 13.12.2012 Орастахона
СОЧЛАРИНГИЗНИ ПАРВАРИШЛАНГ
Соч тўкилишига сабаб бўлувчи омиллар кўплаб топилади. Масалан, қазғоқ, толиқиш, инфекцион касалликлар, нотўғри танланган парҳез, ҳомиладорлик, витамин етишмаслиги ва бошқалар шулар жумласидандир.
Овқатланиш тартибингизга таркибида кальций, А, С, Р, Д витаминларига бой бўлган мева ва сабзавотларни киритинг. Толиқишларнинг олдини олиш учун тинчлантирувчи доривор ўсимликлардан ичинг. Шунингдек, сизга қуйидаги суртма ёрдам беради.
Бир дона пиёзни қирғичнинг майда томонидан ўтказиб, бир ош қошиқдаги асал билан аралаштирасиз. Тайёр бўлган аралашмани сочларингиз илдизларига суртасиз. 30 дақиқадан кейин, илиқ сувда ювиб ташлайсиз.
ЮЗИНГИЗНИ ПАРВАРИШЛАНГ
Юз териси тиниқ ва жозибали бўлиши учун кечқурун лимон совунининг кўпигини юзга суртасиз, ортидан гуруч кукунини сепасиз. 20 дақиқадан сўнг юзингизни илиқ сувда ювиб ташлайсиз.
Ушбу муолажани ҳафтада 3-4 маротаба қўлласангиз, юзингиз ўз жозибасини ўзгартирмайди. Шунингдек, юздаги доғ сепкиллар ҳам йўқолади. Муолажа қуёш ботишидан олдин қўлланилса, тез таъсир кўрсатади.
НИГОРА тайёрлади.
|