Пазанда маслаҳати

"ЛАҒМОН" ТАОМИ

Керакли масаллиқлар: 200 гр. тайёр чўзма лағмон хамири, 2 дона помидор, 2 дона тузланган бодринг), 3 дона тухум, бир ош қошиқ майонез, 150 гр. ўсимлик ёғи, 300 гр. қовуриб пиширилган гўшт қиймаси, 150 гр. қаттиқ пишлоқ, туз.

Тайёрланиши: Помидор ва бодрингни паррак-паррак қилиб тўғраб, устидан тухум чақасиз ҳамда туз билан майонезни солиб, аралаштирасиз.

Товага ўсимлик ёғини қуйиб, лағмон хамирини жойлаштирасиз. Устидан аввал қиймани ёйиб солиб, бирин-кетин бодринг, помидор ва тухум аралашмасини қуясиз. Масаллиқ устига қирғичдан чиқарилган пишлоқни сепиб, духовкада 45 дақиқа давомида пиширасиз.

Тайёр бўлган таомни дастурхонга тортишдан аввал уни кесиб, салат барги билан безатилган ликопга жойлаштирасиз.