№16, 18.04.2013 Орастахона
...ЮЗИНГИЗНИ ОҚАРТИРАДИ
Бир ош қошиқдан творог ва қаймоқ олиб, унга ярим чой қошиқда ош тузи солинг. Массани яхшилаб аралаштиринг ва юзингизга охисталик билан суртиб чиқинг. 15 дақиқадан сўнг, илиқ сувда ювиб ташланг. Юмшоқ сочиқ билан артиб, юзингизга бирон бир озиқлантирувчи кремдан суртиб олинг.
Ушбу тадбир ҳафтада икки маротаба қўлланилса, юз териси оқариб, чирой бахш этади.
***
Юзни тузли совуқ сув билан (1 стакан сувда ярим чой қошиқ ош тузи эритилади) артиш ҳам фойдалидир. Эрталаб илиқ (28-30 даража) сув билан ювиниш, сўнгра крем суртиб, устидан упа қўйиш мақсадга мувофиқдир. Ажин тушган терини парвариш қилишда суртмалардан фойдаланиш яхши натижа беради. Суртмалар ажин тушишига йўл қўймайди, терига фойдали таъсир этади.
НИГОРА тайёрлади.
|