№17, 25.04.2013 "АССОРТИ" ПИРОГИ
Керакли масаллиқлар: 3 стакан ун, 200 гр. маргарин, бир пачкадан ванилин ва кавартма тузи, 200 гр.дан сметана ва ёнғоқ мағзи, 3 та тухум, 100 гр. шакар, 300 гр.дан қулупнай меваси (мураббодан фойдаланса ҳам бўлади) ва творог, 1 та плиткали қора шоколад.
Тайёрланиши: Унга маргаринни солиб, қўлда эзғилаб, талқон ҳолатига келтирасиз. Кейин унга ванилин ва кавартма тузини солиб аралаштирасиз. Ортидан сметана қуйиб, хамир қорасиз. Хамирни 15 дақиқага тиндиришга олиб қўясиз. Тухум сариғини творог билан аралаштирасиз. Қолган тухум оқига шакар солиб, миксерда яхшилаб аралаштириб, бизе тайёрлайсиз. Газ листига фольга қоғозидан кесиб соласиз. Тинган хамирни жува ёрдамида ёйиб, листга жойлаштирасиз. Хамир устига аввал творог, кейин қулупнайни пичоқда кесиб соласиз. Ортидан қошиқ ёрдамида бизе суртасиз ва қирғичдан ўтказилган ёнғоқ мағзини сепасиз. Пирогни газ духофкасида 45 дақиқа давомида 180 оС иссиқликда пиширасиз.
Тайёр бўлган пирогни олиб, бироз совутасиз. Кейин шоколадни қирғичнинг катта тарафидан чиқариб олиб, пирог устига сепиб чиқасиз. Пирогни асталик билан кесиб, ликопларга жойлаштирасиз.
"Нилуфар элит" ўқув маркази пазандалик курси ўқитувчиси Муҳайёхон АБДУРАСУЛОВА тайёрлади.
|