№17, 25.04.2013 Орастахона
ЮЗИНГИЗНИ ПАРВАРИШЛАНГ
1 ош қошиқ творог, 1 ош қошиқ зайтун мойи ва 1 чой қошиғида сабзи шарбати, шунча миқдорда сутни яхшилаб аралаштирасиз. Тайёр бўлган малҳамни ҳар куни кечқурун юзингизга суртасиз. 15 дақиқадан сўнг юзингизни илиқ сувда чайиб юборасиз.
***
Бир дона тухум сариғига бир чой қошиқ суюқ асал, 1 чой қошиқ иситилган ўсимлик мойи ва бир неча томчи лимон шарбатини қўшасиз. Тайёр суртмани юз терисига аста суркайсиз. 30 дақиқадан сўнг юзингизни илиқ сувда ювиб ташлайсиз.
***
Икки-уч дона ёнғоқ мағзини оласиз, унга бир чой қошиқда сариёғ ва шунча миқдорда лимон шарбати қўшиб, ҳаммасини аралаштирасиз. Тайёр бўлган малҳамни юзингизга суртасиз ва 15 дақиқадан кейин илиқ сувда ювиб ташлайсиз.
НИГОРА тайёрлади.
|