Орастахона

АЖИНЛАРГА ҚАРШИ

Юзга ажин тушиши аксарият ҳолларда 45 ёшдан кейин бошланади. Аксинча бўлса, эътиборсизлик ва терини тўғри парваришламаслик натижасида эрта ажин тушиши мумкин.

Қуйидаги тавсиямиз айнан шу муаммога ечим бўлади, деб умид қиламиз.

Ярим чой қошиқ асал, ярим ош қошиқдан ун ва қирғичдан чиқарилган қизил сабзи, 1 ош қошиқ лимон шарбати, яримта тухум сариғини аралаштириб, юзингизга бир текисда суртасиз. 15 дақиқадан сўнг, илиқ сувда ювиб ташлайсиз.

***

Бир дона лимонни сиқиб, 200 гр. илиқ сувга аралаштиринг. Тайёр бўлган аралашмага юмшоқ пахтани ботириб, юзингиз ва бўйин терисига асталик билан суртиб чиқинг. 10 дақиқадан сўнг илиқ сувда ювиб ташлашингиз мумкин.

Ушбу тадбирни ҳафтасига икки марта бажарсангиз, терини майинлаштириб эрта ажин тушишининг олдини олади.

НИГОРА тайёрлади.