Орастахона

ЧОЙДАН ФОЙДАЛАНИНГ

*Сочларингизни чой билан чайинг, шунда сочларингиз жилоланиб, кўркам кўринишга эга бўлади. Бунинг учун 100 гр. қора чойни 0,5 литр қайноқ сувга дамлаб қўйинг. Кейин чой шамасини сузиб олиб, уни 2 литр сувга аралаштирасиз.

Ушбу тадбирни ҳафтада бир марта қўллаб турсангиз, мақсадга мувофиқ бўлади.

*Чойли ванна фойда беради. Танангиз терисини юмшоқ қилади.

Мазкур муолажани бажаришда, 0,5 кг. кўк чойни 3 литр сувга дамлайсиз. Кейин уни илиқ сув тўлдирилган ваннага қуясиз. Ванна қабул қилиш 10 дақиқадан ошмаслиги лозим ва ушбу тадбирни ҳафтада бир марта қўллаш тавсия этилади.

*Юз терисини яхшилаш учун эса, пахтани совуқ чойга ботириб юзингизни, бўйнингизни яхшилаб артиб, қуришини кутинг. Юзингизни қайта чайиб ташламасангиз ҳам бўлаверади.

Бу борада бир дамлам кўк чойни чойнакка солиб дамлайсиз ва имкон қадар ҳар икки кунда ушбу муолажани такрорлаб турасиз.

НИГОРА тайёрлади.